Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi 1-ci kateqoriya dövlət orqanı statusu alacaq.
Oxu.Az-a istinadən bildirilir ki, bu dəyişiklik "Dövlət qulluğu haqqında" qanuna təklif edilən layihədə öz əksini tapıb.
Layihə Naxçıvanda idarəçilik modelinin təkmilləşdirilməsi məqsədilə hazırlanıb.
Nümayəndəlik Prezidentin təyin etdiyi vəzifələri yerinə yetirən icra orqanıdır.
Rəhbərlik birbaşa Prezidentə tabe olan səlahiyyətli nümayəndə tərəfindən həyata keçirilir.
Dəyişikliklərə əsasən, nümayəndə və müavinləri inzibati vəzifələr siyahısından çıxarılır, köməkçi vəzifəsi isə üçüncü təsnifat siyahısına daxil edilir.
Bu qanun nümayəndə və müavinlərinə şamil olunmayacaq.
