Özbəkistanın Dini Məsələlər Komitəsinin sədri Sodik Toşboyev, Türk Dövlətləri Təşkilatının (TDT) üzv ölkələrinin dini qurum rəhbərlərinin Şuşada keçirilən birinci görüşündə mühüm təkliflər səsləndirib.
Toşboyev, radikalizm, ekstremizm, dogmatizm və qanunsuz dini təhsillə mübarizənin təcili olduğunu vurğulayıb. Xüsusilə internet vasitəsilə türk xalqları arasında fanatizmin yayılmasının qarşısını almaq üçün TDT üzv dövlətlərinin dini təşkilat nümayəndələrindən ibarət işçi qrupu yaradılmasını təklif edib.
İkinci təklif olaraq, Özbəkistandakı ali və dini təhsil müəssisələrində TDT gəncləri üçün oflayn və onlayn təhsil proqramları planlaşdırılıb. Üçüncü təklif isə elmi mərkəzlərdə qısamüddətli təcrübə imkanıdır.
Dördüncü təklif ziyarət turizminin inkişafı və ortaq irsin populyarlaşdırılması, beşinci təklif isə vahid elmi vəsait və ensiklopedik kitab hazırlanmasıdır.
