Ermənistan hökumətinin rəhbəri Nikol Paşinyan 10-15 il sonra ölkəsinin gələcəyi ilə bağlı sualı cavablandırıb.
Oxu.Az erməni mediasına istinadən xəbər verir ki, baş nazir brifinq zamanı mətbuat nümayəndəsinin sualına aydınlıq gətirib.
"Mən Ermənistanı sülh içində və suveren bir dövlət kimi xəyal edirəm. Azərbaycanla sülh müqaviləsinin imzalanaraq ratifikasiya olunduğunu, sərhədlərin demarkasiya prosesinin yekunlaşdığını və kommunikasiyaların açıldığını təsəvvür edirəm. On beş ildən sonra isə ölkəmizin ümumi daxili məhsulunun real həcminin ən azı ikiqat çoxalacağını görürəm. Başqa cür desək, biz gələcəkdə azad, demokratik, inkişaf etmiş, müstəqil və şərti olaraq sülhün kəsişdiyi mərkəzə çevrilmiş bir dövlət olacağıq", - deyə N.Paşinyan qeyd edib.
