ABŞ Müdafiə Nazirliyi (Pentaqon) rəsmisi Endryu Lumis bildirib ki, Azərbaycan geostrateji tərəfdaşdır. O, Müstəqillik Günü və Silahlı Qüvvələr Gününə həsr olunmuş qəbulda çıxış edib.
Lumis qeyd edib ki, Azərbaycan mürəkkəb coğrafiyada yerləşir və həm Türkiyə, həm də İsraillə güclü əlaqələrə malikdir. Bu səbəbdən ABŞ Azərbaycanı geostrateji tərəfdaş hesab edir.
Pentaqon rəsmisi vurğulayıb ki, ABŞ və Azərbaycan Strateji Tərəfdaşlıq Xartiyasını imzalayıb. Müdafiə sahəsində əlaqələr tarixi əhəmiyyət daşıyır.
"İyirmi ildən çoxdur ki, Azərbaycan ABŞ ilə birlikdə döyüşür. Azərbaycan Əfqanıstandan çıxan son dövlətlərdən biri idi. Hərbçilərimiz arasında qurulan münasibətlər əlaqələri möhkəmləndirir" deyə o əlavə edib.
