Azərbaycan Prezidenti İlham Əliyev Böyük Britaniya və Şimali İrlandiyanın Kralı III Çarlzı təbrik edib.
Təbrikdə deyilir: "Əlahəzrət, milli bayramınız - Təvəllüd Gününüz münasibətilə Sizi və xalqınızı təbrik edirəm. Dostluq və qarşılıqlı hörmətə əsaslanan əlaqələrimiz dinamik inkişaf edir. Siyasi, iqtisadi, enerji sahələrində əməkdaşlığımız genişlənir."
Prezident Əliyev qeyd edib ki, iki ölkə arasında ənənəvi dostluq münasibətləri daha da möhkəmlənəcək. O, Krala cansağlığı və uğurlar, Britaniya xalqına rifah arzulayıb.
