Mayın 9-da Prezident İlham Əliyev və birinci xanım Mehriban Əliyeva Cəbrayıl rayonunun Şükürbəyli kəndinə köçən sakinlərlə görüşüblər.
Görüş zamanı dövlət başçısı kənd təsərrüfatının bərpası ilə bağlı məsələləri müzakirə edib. O qeyd edib ki, işğaldan azad olunan torpaqların əkin dövriyyəsinə qaytarılması əsas prioritetlərdəndir. Lakin ermənilərin torpağı qaydasız istismarı səbəbindən bərpa prosesi 5-10 il çəkə bilər.
Sakinlər keçmişdə kəndin üzümçülük, baramaçılıq və maldarlıq sahəsində qabaqcıl olduğunu bildiriblər. Prezident isə müasir texnologiyalar və dövlət dəstəyi ilə bu sahələrin yenidən canlandırılacağını vurğulayıb.
