Mayın 9-da Azərbaycan Prezidenti İlham Əliyev və birinci xanım Mehriban Əliyeva Cəbrayıl rayonunun Şükürbəyli kəndinə köçən sakinlərlə görüşüblər.
Prezident çıxışında kəndin tamamilə yenidən qurulduğunu, məktəb, musiqi məktəbi, uşaq bağçaları, tibb məntəqəsi və müasir evlərin inşa edildiyini bildirib.
O, işğal dövründə Ermənistanın kəndi dağıtdığını, lakin Azərbaycan xalqının tarixi yaddaşının silinmədiyini vurğulayıb.
Prezident qeyd edib ki, Cəbrayılda bir neçə min insan yaşayır və kəndin ikinci mərhələsi də nəzərdə tutulub.
O, həmçinin "Araz Vadisi" Sənaye Zonası, günəş elektrik stansiyaları və yeni nəqliyyat dəhlizləri haqqında məlumat verib.
Görüşdə sakinlər çıxış edərək Prezidentə minnətdarlıqlarını bildiriblər. Sonra açarların təqdim edilməsi mərasimi olub.
