Rusiya Prezidenti Vladimir Putin Azərbaycan Prezidenti İlham Əliyevə təşəkkür edib.
Oxu.Az TASS agentliyinə istinadən bildirir ki, bu sözlər Putinin dünyanın aparıcı informasiya agentliklərinin rəhbərləri ilə görüşündə səsləndirilib.
Putin qeyd edib ki, Rusiya-Azərbaycan münasibətlərini yüksək qiymətləndirir: “Həm iqtisadi, həm siyasi sahədə əlaqələr yaxşı inkişaf edir. Müttəfiqlik Qarşılıqlı Fəaliyyəti haqqında Bəyannamə imzalanıb.”
O, həmçinin vurğulayıb ki, İlham Əliyev strateji sənədlərin məzmunla zənginləşdirilməsi üçün səy göstərir.
Putin İrana humanitar yüklərin çatdırılmasında dəstəyə görə Azərbaycan rəhbərliyinə minnətdarlığını bildirib.
