Nigeriyada fəaliyyət göstərən Beynəlxalq İqlim Dəyişikliyi İnkişaf Təşəbbüsü Afrika (ICCDI) təşkilatının icraçı direktoru Olumide İdovu Qarabağdakı "ağıllı şəhər" layihəsini yüksək qiymətləndirib.
Oxu.Az-a açıqlamasında İdovu bildirib ki, Azərbaycanda gördüyü ən uğurlu nümunələrdən biri məhz Qarabağda yaradılan "ağıllı şəhər" modelidir.
O qeyd edib ki, Qarabağda bərpaolunan enerji mənbələrinin "ağıllı şəhər" konsepsiyasına inteqrasiyası dayanıqlı inkişaf üçün əla nümunədir.
İdovu vurğulayıb ki, dayanıqlı şəhərlərin qurulmasında qadınların, qızların və uşaqların iştirakı xüsusi əhəmiyyət daşıyır. Cəmiyyətin bütün təbəqələrini əhatə edən yanaşma tətbiq olunmalıdır.
