Qazaxıstan Prezidenti Kasım-Jomart Tokayevin bu il Azərbaycana səfəri gözlənilir.
Azərbaycanın Qazaxıstandakı səfiri Ağalar Atamoğlanov bunu Astanada Müstəqillik Günü və Silahlı Qüvvələr Gününə həsr olunmuş tədbirdə deyib.
Diplomat vurğulayıb ki, son beş ildə ikitərəfli münasibətlər ardıcıl inkişaf edir. İki ölkə arasında demək olar ki, bütün məsələlərdə yüksək səviyyədə qarşılıqlı anlaşma var.
Səfir həmçinin qeyd edib ki, son beş ildə İlham Əliyev Qazaxıstana 8, Tokayev isə Azərbaycana 6 səfər edib.
"Bu il Qazaxıstan Prezidentinin Azərbaycana səfəri gözlənilir", - o əlavə edib.
Fəal təmaslar digər səviyyələrdə də davam edir. 2022-2025-ci illərdə baş nazirlər 8, xarici işlər nazirləri 7 qarşılıqlı səfər həyata keçiriblər.
