Rusiyalı jurnalist Mixail Qusman Qarabağdakı bərpa işlərini dünya üçün nümunə adlandırıb.
Bakıda keçirilən Ümumdünya Şəhərsalma Forumunun 13-cü sessiyasında (WUF13) jurnalistlərə açıqlama verən Qusman deyib ki, Azərbaycanın işğaldan azad edilmiş ərazilərdə həyata keçirdiyi şəhərsalma və yenidənqurma layihələri beynəlxalq səviyyədə böyük maraq doğurur.
O vurğulayıb ki, Vətən müharibəsində qələbədən sonra Azərbaycanın qarşısında həmin ərazilərin bərpası və insanların layiqli şəraitdə yaşamasının təmin olunması kimi mühüm vəzifələr dayanır. Prezident İlham Əliyevin bu istiqamətdə apardığı işlərə xüsusi diqqət yetirilir. Prezident mütəmadi olaraq həmin ərazilərə səfərlər edir, görülən işlərlə maraqlanır və müvafiq tapşırıqlar verir.
Qusman əlavə edib ki, Bakıda belə mühüm beynəlxalq forumun keçirilməsi Azərbaycanın dünya ictimaiyyətində yüksək nüfuza malik olduğunu göstərir.
