BMT-nin Məskunlaşma Proqramının (UN-Habitat) icraçı direktoru Anaklaudia Rossbax Ümumdünya Şəhərsalma Forumu (WUF13) çərçivəsində keçirilən xüsusi sessiyada çıxış edib.
O, ən aktual məsələnin münaqişədən sonrakı yenidənqurma prosesləri olduğunu vurğulayıb. Rossbax Azərbaycanın Qarabağ və Şərqi Zəngəzur iqtisadi rayonlarında aparılan bərpa işlərini nümunə göstərib.
"Mənzil, ictimai xidmətlər, rəqəmsal bağlantı və yaşıl enerji şəbəkələrinin vahid ərazi baxışında inteqrasiyası diqqətimi çəkdi", - deyə o bildirib.
Rossbax qeyd edib ki, dəhlizlər yalnız malları və insanları daşımır, həm də iqtisadi coğrafiyanı yenidən formalaşdırır. Orta Dəhliz boyunca yerləşən şəhərlər iqtisadiyyatlarını şaxələndirmək üçün real imkanlar qazanır.
