Azərbaycan Prezidenti İlham Əliyev Pakistanın Baş naziri Məhəmməd Şahbaz Şəriflə telefon danışığı aparıb.
Söhbət zamanı qlobal məsələlər və Bakıda keçiriləcək Ümumdünya Şəhərsalma Forumunun 13-cü sessiyası (WUF13) müzakirə edilib.
Şahbaz Şərif "X" sosial şəbəkəsində yazıb: "Sevimli qardaşım Prezident İlham Əliyevlə söhbətdən məmnunam. Pakistan-Azərbaycan qardaşlıq əlaqələrini və ticarət, investisiya, enerji sahələrində əməkdaşlığı gücləndirməyə sadiqik."
Baş nazir Bakıda keçiriləcək WUF13 üçün uğurlar arzulayıb və vurğulayıb ki, tədbir Prezident İlham Əliyevin rəhbərliyi altında qlobal şəhər inkişafına töhfə verəcək. Pakistan forumda yüksək səviyyədə təmsil olunacaq.
Şərif regional hadisələr, xüsusilə Yaxın Şərqdə sülh səyləri barədə də fikir mübadiləsi apardıqlarını bildirib. O, Prezident Əliyevin Pakistanın sülh, dialoq və diplomatiya səylərini yüksək qiymətləndirdiyini qeyd edib.
