Türkiyə Böyük Millət Məclisinin üzvü, Azərbaycan-Türkiyə Dostluq Qrupunun sədri Şamil Ayrım Qərbi Azərbaycana qayıdışla bağlı əlamətdar bəyanat verib.
“Qərbi Azərbaycana qayıdış: Milli ideyanın yeni mərhələsi kimi” I Beynəlxalq Konfransında çıxış edən Ayrım vurğulayıb ki, bu gün Qərbi Azərbaycan məsələsi tarix və kimlik məsələsidir.
O bildirib ki, türk dünyası Qərbi Azərbaycan məsələsini düzgün təqdim etməli və bu istiqamətdə işlər davam etməlidir.
“Qarabağ müharibəsi türk dünyasında oyanışın simvolu oldu. Universitet, media və beynəlxalq platformalarda bu həqiqətlər gücləndirilməlidir”, – deyə Ayrım qeyd edib.
Şamil Ayrım vurğulayıb: “Göyçədən sürgün edilənlərin övladları ata-baba torpaqlarına qayıdacaqlar. Bu, qarşıdurma deyil, uzunmüddətli sülhün əsasıdır”.
O, erməni cəmiyyətini qorxmamağa çağırıb: “İnsanların öz evlərinə qayıtması onların haqqıdır. Deportasiya hekayəsi bütün türk dünyasının vicdan məsələsidir”.
