Azərbaycanın Serbiyadakı səfiri Kamil Xasiyev 28 May - Müstəqillik Günü münasibətilə Belqradda keçirilən rəsmi qəbulda çıxış edib.
Diplomat bildirib ki, 1918-ci ildə qurulan Azərbaycan Demokratik Respublikası Şərqdə ilk dünyəvi və demokratik parlament respublikası olub. O, həmçinin qeyd edib ki, qadınlara seçki hüququ Azərbaycanda bir çox Avropa ölkəsindən daha əvvəl verilib.
Səfir vurğulayıb ki, son otuz ildə Azərbaycan bütün sahələrdə böyük irəliləyişlər əldə edib, insan hüquqlarına hörmət və hüququn aliliyinə əsaslanan demokratik cəmiyyət qurub, dünyanın ən sürətlə inkişaf edən iqtisadiyyatlarından birini yaradıb.
