Slovakiya parlamentinin sədri Rixard Raşi Azərbaycana səfəri çərçivəsində işğaldan azad olunmuş Qarabağa da gedəcək. Bu, onun Qarabağa ikinci səfəri olacaq.
Milli Məclisin sədri Sahibə Qafarova Slovakiya Milli Şurasının sədri Rixard Raşi ilə birgə mətbuat konfransında bildirib ki, Slovakiya nümayəndə heyəti Ağdamın Baş Qərvənd kəndini ziyarət edəcək. Kəndin tikintisi Slovakiya şirkətləri tərəfindən həyata keçirilir.
Qafarova Qarabağın yenidən qurulmasında Slovakiyanın dəstəyini yüksək qiymətləndirdiyini vurğulayıb: "Bu kənd işğaldan azad olunmuş torpaqlarda Azərbaycan-Slovakiya dostluğunun bir nümunəsi olacaq".
