Slovakiya Azərbaycandan ən azı 10 il müddətinə qaz tədarükü üçün müqavilə imzalamağı planlaşdırır.
Slovakiya baş nazirinin müavini və ətraf mühit naziri Tomaş Taraba Bakıda Dünya Şəhər Forumunun 13-cü sessiyasında bu barədə məlumat verib.
O, yeganə məsələnin enerji daşıyıcılarının Mərkəzi Avropaya çatdırılması olduğunu bildirib.
"Biz Azərbaycanla uzunmüddətli - ən azı 10 illik müqavilənin imzalanmasını müzakirə edirik. Slovakiya enerji təchizatını şaxələndirmək istəyir və Azərbaycan etibarlı tərəfdaşdır" - Taraba qeyd edib.
Nazir tərəflərin hansı boru kəmərlərindən və hansı həcmdə istifadə ediləcəyini müzakirə etdiyini bildirib.
Taraba bir neçə ay əvvəl Ukrayna böhranı zamanı Azərbaycanın fasiləsiz təchizat yardımına görə Bakıya təşəkkür edib.
