BMT-nin Məskunlaşma Proqramının (UN-Habitat) icraçı direktoru Anaklaudia Rossbax bildirib ki, su amilini şəhərləşmədən ayırmaq mümkün deyil.
Oxu.Az xəbər verir ki, bu sözlər Ümumdünya Şəhərsalma Forumu (WUF13) çərçivəsində keçirilən tədbirdə deyilib.
Rossbax vurğulayıb: "Su axınları sərhədləri aşdığı üçün möhkəm idarəetmə mexanizmləri lazımdır. Yerli hökumətlərlə işləmək və suyu əsas resurs kimi nəzərə almaq vacibdir."
O qeyd edib ki, mənzil təminatı əsas faktordur və şəhərlərdə yaşayan insanlar su çatışmazlığından əziyyət çəkirlər.
"Su, şəhərləşmə, mənzil, qeyri-rəsmi yaşayış məntəqələri və yerli aktorların rolu bir-birindən ayrılmazdır", - deyə Rossbax əlavə edib.
