Prezident İlham Əliyev mayın 9-da Cəbrayıl rayonunun Şükürbəyli kəndində sakinlərlə görüşüb.
Dövlət başçısı bildirib ki, kənd tamamilə yenidən qurulub: "İşğal dövründə Ermənistan bu kəndi dağıtmışdı, bir dənə də salamat bina qalmamışdı. İndi isə müasir kənddə məktəb, musiqi məktəbi, iki uşaq bağçası, tibb məntəqəsi və gözəl evlər var."
Əliyev vurğulayıb ki, işğal zamanı ermənilər Cəbrayılı tamamilə yerlə-yeksan etmiş, daşları talan edib satmışdılar. Azərbaycan isə torpaqları azad edərək yenidən qurur.
Hazırda Cəbrayıl rayonunda bir neçə min insan yaşayır. 635 ev tikilib, qayıtmaq istəyənlərin sayı 900-dən çoxdur. İkinci mərhələ də nəzərdə tutulur.
Məşğulluq üçün "Araz Vadisi" Sənaye Zonasında 200 hektar sahə ayrılıb, 20 rezident istehsala başlayıb.
