Londonda Hacı Zeynalabdin Tağıyevin həyatından bəhs edən "Tağıyev: Neft" bədii filminin təqdimatı keçirilib.
Tədbir BAFTA-nın "Princess Anne Theatre" zalında baş tutub. Təqdimatda Bakı Media Mərkəzinin rəhbəri Arzu Əliyeva, prodüser Orman Əliyev, rejissor Zaur Qasımlı və Xalq artisti Pərviz Məmmədrzayev iştirak ediblər.
Film Heydər Əliyev Fondu, Mədəniyyət Nazirliyi və Kino Agentliyinin dəstəyi ilə çəkilib. Ekran əsəri "Tağıyev" çoxseriyalı layihəsinin ilk hissəsidir.
Azərbaycanın Böyük Britaniyadakı səfiri Elin Süleymanov çıxışında Tağıyevin təhsil sahəsindəki rolunu vurğulayıb.
Qonaqlar filmi yüksək qiymətləndirərək, Azərbaycanın tanıdılmasında əhəmiyyətini qeyd ediblər.
