Türkiyə Böyük Millət Məclisinin sədri Numan Kurtulmuş Azərbaycan-Ermənistan sülh danışıqlarını dəstəklədiyini bildirib.
O, İslam Əməkdaşlıq Təşkilatının Parlament İttifaqı Konfransının 20-ci sessiyasında çıxış edib.
"Azərbaycanın Qarabağ torpaqları 30 il ərzində haqsız işğala məruz qaldı. Azərbaycanın qələbəsi ilə bu torpaqlar azad olundu", deyə Kurtulmuş vurğulayıb.
"Ümid edirəm ki, Azərbaycan və Ermənistan arasında daimi sülh əldə olunar və Qafqaz sülh regionuna çevrilər", - deyə o əlavə edib.
