ABŞ Prezidenti Donald Tramp İranla razılaşma şərtlərini sərtləşdirdi. Vaşinqton Tehrana yeni təkliflər paketi göndərib.
Dəyişikliklərin detalları tam açıqlanmasa da, əsas məsələlərdən biri İranın dondurulmuş aktivləri və nüvə öhdəlikləridir. Ağ Ev rəhbəri İranın ABŞ təkliflərinə ləng reaksiya verməsindən narahatdır. Buna görə Vaşinqton təzyiqi artıraraq Tehranı tez qərara məcbur etməyə çalışır.
Analitik Yeganə Hacıyeva Baku TV-yə bildirib: "Trampın sərtləşmələri təzyiq elementidir, sazişi pozmaq cəhti deyil. Vaşinqton İranı danışıq masasında saxlamağa çalışır."
Tramp deyir: İran nüvə silahı hazırlamayacağı kimi onu almayacağına da razılıq verməlidir.
