Vaşinqton şəhərinin meri Myuriel Bauzer, Azərbaycan Xalq Cümhuriyyətinin 108-ci ildönümü münasibətilə 28 may 2026-cı ili Azərbaycanın Müstəqillik Günü elan edib.
Oxu.Az-ın AZƏRTAC-a istinadən verdiyi xəbərə görə, bəyannamədə 2026-cı ilin eyni zamanda Azərbaycanda müstəqilliyin bərpasından 35 il keçdiyi qeyd olunub.
Bəyannamədə vurğulanır: "Azərbaycan Demokratik Respublikası uzaqgörən inzibati islahatlarla etnik mənsubiyyət, din, sosial status və cinsindən asılı olmayaraq bütün vətəndaşlara tam hüquqlar təmin edib. Azərbaycanın Vaşinqtondakı səfirliyi və buradakı aktiv icma şəhərin mədəni, təhsil və iqtisadi həyatının ayrılmaz hissəsidir."
