Bakıda keçirilən Ümumdünya Şəhərsalma Forumunun On Üçüncü Sessiyası (WUF13) dünya mediasının diqqət mərkəzindədir. “The Europe Today” nəşri vurğulayır ki, Azərbaycan qlobal şəhər inkişafı vizyonunu nümayiş etdirir.
Forumun uğurlu təşkili üçün xüsusi Təşkilat Komitəsi yaradılıb. Rəsmilər bildirib ki, bu qərar ölkənin qlobal tədbirləri təşkil etmək qabiliyyətinə inamı əks etdirir.
Prezident İlham Əliyev şəhərsalma və davamlı inkişafı strateji prioritet kimi müəyyən edib. 2026-cı il “Şəhərsalma və Memarlıq İli” elan edilib.
Forumda 3.5 hektarlıq “Şəhər sərgi zonası” yaradılıb. 217 təşkilat iştirak edir, 66 ölkə milli pavilyonlarla təmsil olunur.
WUF13 Azərbaycanın qlobal şəhər problemlərinin həllinə töhfəsini nümayiş etdirir. Çin, Pakistan, Serbiya, Özbəkistan, Gürcüstan və digər ölkələrin mediası forumu geniş işıqlandırır.
