Azərbaycanda "Baku Urban Award" mükafatını təqdim etmək istəyirik.
Oxu.Az xəbər verir ki, bu fikirləri BMT-nin Məskunlaşma Proqramının (UN-Habitat) icraçı direktoru Anaklaudia Rossbax Ümumdünya Şəhərsalma Forumu çərçivəsində keçirilən "Baku Urban Award" təşəbbüsünün təqdimat mərasimində deyib.
O bildirib ki, rəhbərlik etdiyi qurum Azərbaycan hökuməti ilə sıx əməkdaşlığa sadiqdir:
"İlk dəfə dünyanın müxtəlif yerlərində tətbiq olunan təcrübələri bir yerə toplayırıq. Artıq mövcud olan və burada real şəkildə nümayiş etdirilən praktikanın toplanması və bir araya gətirilməsi üçün çalışırıq. Forum çərçivəsində "Baku Urban Award" mükafatını təqdim etmək istəyirik. Bakıdakı forum unudulmayacaq".
