Bakıda keçirilən Ümumdünya Şəhərsalma Forumu (WUF13) çərçivəsində davamlı şəhər böyüməsində peyk məlumatlarının rolu müzakirə olunub.
Avropa Komissiyasının Fövqəladə Halların Riskinin İdarə Edilməsi bölməsinin rəhbəri Tom De Qruv bildirib ki, məlumatlar gələcəkdə dayanıqlı, açıq və hamı üçün ödənişsiz olmalıdır.
O, Avropa Komissiyası və Avropa Kosmik Agentliyinin “Copernicus” proqramının bu sahədə mühüm rol oynadığını vurğulayıb. Proqram peyk məlumatları əsasında ictimai xidmətlər təqdim edir.
De Qruv qeyd edib ki, məlumatlar həm qərarların qəbulu, həm də siyasətin formalaşdırılması üçün əhəmiyyətlidir. Elm siyasətə xidmət etməlidir.
