Prezident İlham Əliyev mayın 28-də Xocalı şəhərində "Qarabağ Tekstil Evi" MMC-nin açılışında iştirak edib.
İqtisadiyyat naziri Mikayıl Cabbarov və təsisçi Rizvan Təhməzov dövlət başçısına müəssisə haqqında məlumat veriblər.
Türkiyə və Çin texnologiyaları ilə təchiz edilən fabrik ildə 1,4 milyon tekstil məhsulu istehsal edəcək. İlkin mərhələdə ev tekstili, yataq dəsti, dəsmallar istehsal olunacaq.
85 nəfər işlə təmin olunub, əsasən işğaldan azad edilən ərazilərdən qayıdanlar. 40 nəfər isə 2 aylıq təlimə cəlb edilib. Gələcəkdə iş yerlərinin sayının 200-ə çatdırılması planlaşdırılır.
Layihənin ilkin investisiya dəyəri 4,2 milyon manatdır. Bunun 3,2 milyonu güzəştli kredit, 1 milyonu isə özəl investisiyadır.
Müəssisə işğaldan azad edilən ərazilərdə iqtisadi inkişafa və məşğulluğa töhfə verəcək.
