Mayın 21-də Tofiq İsmayılov adına 6 nömrəli məktəb-liseydə "Zəkaların mübarizəsi II" olimpiadasının final mərhələsi keçirilib. Tədbir Heydər Əliyev Fondu və Elm və Təhsil Nazirliyinin birgə layihəsidir.
Final mərhələsi ümummilli lider Heydər Əliyevin anadan olmasının 103-cü ildönümünə həsr edilib. Yarış bilik yarışı və şahmat turniri olmaqla komanda formatında təşkil edilib.
Rəsmi açılış mərasimində çıxış edən Təhsil İnstitutunun direktor müavini Fuad Qarayev bildirib ki, olimpiadanın əsas məqsədi gənc nəsildə strateji düşüncə, düzgün qərarvermə və liderlik bacarıqlarını inkişaf etdirməkdir.
Bilik yarışı üzrə 18 komanda, ümumilikdə 108 şagird iştirak edib. Şahmat turnirində isə 18 komandada 72 şagird mübarizə aparıb.
Mükafatlandırma mərasimində çıxış edən elm və təhsil nazirinin müavini Firudin Qurbanov qalibləri təbrik edərək intellektual yarışların gənclərin formalaşmasında rolunu vurğulayıb.
Tədbirdə çıxış edən Alyona Əliyeva olimpiadanın ikinci ildir keçirildiyindən məmnunluğunu bildirib.
Yekunda qalib komandalar qızıl, gümüş və bürünc medallarla mükafatlandırılıb.
