107 və 107A nömrəli marşrutlar üzrə sərnişinlərə müasir avtobuslar xidmət göstərəcək.
Oxu.Az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, Koroğlu Nəqliyyat Mübadilə Mərkəzini Buzovna qəsəbəsi ilə əlaqələndirən 107 nömrəli və Maştağa qəsəbəsi ilə əlaqələndirən 107A nömrəli marşrutların avtobusları yenilənir.
İyunun 3-dən hər iki şəhərətrafı marşrut üzrə sərnişinlərə müasir avtobuslarla xidmət göstəriləcək.
Avtobuslarda ödəniş nağdsızdır. Gedişhaqqı 0,65 AZN müəyyən edilib.
Vətəndaşların rahatlığı, keyfiyyətli və təhlükəsiz sərnişindaşıma xidmətləri üçün avtobus parkının yenilənməsi AYNA tərəfindən diqqətdə saxlanılır.
