2026-cı il mayın 17-də Bakı, Abşeron və Sumqayıtda keçirilən imtahanlarda əlverişsiz hava şəraiti səbəbindən çətinliklər yaşanıb. Dövlət İmtahan Mərkəzi (DİM) bu halları nəzərə alaraq, həmin gün imtahana girən və ya gələ bilməyən şəxslər üçün 21 iyun tarixində təkrar imtahan keçirəcəyini açıqlayıb.
Təkrar imtahan yalnız qeyd olunan şəhərlərdə imtahana buraxılan şagird və abituriyentlər üçün nəzərdə tutulub. Abituriyentlər 25-26 may tarixlərində DİM-in saytındakı keçid vasitəsilə qeydiyyatdan keçə bilərlər.
17 mayda imtahana buraxılış vərəqəsi alıb gecikənlərə təkrar imtahan ödənişsizdir. İmtahana girənlər isə istəsələr ödəniş edərək yenidən iştirak edə bilərlər. Kollecə sənəd verməyən şagirdlər 25-27 mayda məktəblərinə müraciət edərək təkrar imtahana qatıla bilərlər. İstəməyənlər sentyabr imtahanına da girə bilər.
