Bakının Binəqədi rayonunda 45 nömrəli marşrutda işləyən avtobuslar yenilənir.
AYNA-dan verilən məlumata görə, mayın 13-dən etibarən 7 ədəd "Isuzu HC45" markalı yeni avtobus sərnişinlərə xidmət göstərəcək.
Bu avtobuslar ekoloji cəhətdən təmiz CNG texnologiyası ilə təchiz olunub.
Yeni marşrut üzrə hərəkət intervalı 6-7 dəqiqə olacaq. Son dayanacaq "Nəsimi" metrostansiyasıdır.
Gediş haqqı 0.60 AZN olaraq qalır və yalnız nağdsız ödəniş mümkündür.
