Baku TV-nin "Necə olmalıdır?" rubrikasının yeni buraxılışında paytaxtın Abay Kunanbayev küçəsində sürücüləri və piyadaları narahat edən problem işıqlandırılıb.
Küçədə nə səki, nə də parklanma düzgün təşkil edilməyib. Sakinlərin müraciətlərinə əsasən, səki yolun hərəkət hissəsi ilə demək olar ki, eyni hündürlükdə olduğu üçün avtomobillər səkidə parklanır və cərimələnirlər.
Təklif olunur ki, səki yol örtüyünə görə fərqlənsin və paralel parklanma məntəqəsi yaradılsın. Piyadaların rahat hərəkəti üçün kifayət qədər boşluq qalmalı, uşaq və əlil arabası üçün panduslar quraşdırılmalıdır.
