İsveçrədə inteqrasiya olunmuş şəhər həlləri üzrə direktor Haris Piplas, Ağalı kəndində yaradılan şəhərsalma praktikasının nümunə götürülə biləcəyini bildirib.
Oxu.Az xəbər verir ki, bu barədə Piplas WUF13 çərçivəsində Azərbaycan pavilyonunda keçirilən "Şəhər transformasiyası praktikada: Təhlükəsiz və dayanıqlı icmalar üçün şəhər təcrübələri" adlı tədbirdə danışıb.
O, Avropada şəhər və kənd həyatı ilə bağlı müxtəlif nəzəriyyələr olduğunu, lakin Ağalı kəndindəki praktikanın diqqətəlayiq olduğunu vurğulayıb.
"Ağalı kəndində yaradılan şərait çox yaxşıdır. Bura həm şəhər, həm də kənddir. Burada şəhərətrafı yaşayış tipinə bənzər ev modeli qurulub, lakin hər ev üçün kiçikmiqyaslı kənd təsərrüfatı fəaliyyəti də nəzərdə tutulub. Bu təcrübələrdən yararlanmaq olar", - deyə Piplas əlavə edib.
