Avropada son günlər müşahidə olunan rekord istilər bir sıra ölkələrdə həyatı iflic edib. Rumıniyada qırmızı təhlükə səviyyəsi elan olunub, İtaliya, Fransa, İspaniya və Yunanıstanda temperatur 40 dərəcəni keçib.
Bəs oxşar ekstremal istilər Azərbaycanda da müşahidə oluna bilərmi? Ekoloq Ənvər Əliyev Oxu.Az-a danışıb.
Onun sözlərinə görə, uzunmüddətli proqnozlar çox vaxt özünü doğrultmur: "İki ay əvvəldən havanın necə olacağını dəqiq söyləmək mümkün deyil".
Ekoloq qeyd edib ki, bu ilin yaz mövsümündə yağıntılar ölkənin çoxillik iqlim xüsusiyyətlərinə uyğun olub: "Azərbaycanda 40-45 dərəcə isti yeni hadisə deyil".
Ekspert bildirib ki, Avropada eyni temperatur göstəriciləri daha ağır nəticələrə səbəb olur: "Avropanın iqlim şəraiti fərqlidir, havanın rütubəti yüksək olur".
"Hazırda təşvişə düşmək üçün əsas yoxdur", - deyə o əlavə edib.
