Bakıda sərnişin avtobusunun sürücüsü təhlükəli ötmə əməliyyatı edərək digər hərəkət iştirakçılarının həyatını riskə atıb.
Oxu.Az-ın qaynar xəttinə müraciət edən sürücünün sözlərinə görə, hadisə Zığ şosesində qeydə alınıb.
103 nömrəli marşrut xətti üzrə hərəkət edən avtobus sürücüsü qarşısındakı avtobusu ötmək üçün əks hərəkət zolağına çıxıb. Qarşıdan gələn avtomobillərə baxmayaraq təhlükəli manevri davam etdirib.
"Maşında ailəmlə birlikdə idim. Qəzadan son anda yayına bildim. Bu cür məsuliyyətsiz sürücülərə qarşı tədbir görülməlidir", - deyə şikayətçi bildirib.
Məsələ ilə bağlı aidiyyəti quruma informasiya sorğusu göndərilib.
