Avtonom nəqliyyat vasitələrinin tanınma nişanının forması rəsmi olaraq müəyyənləşir. Milli Məclisin İqtisadi siyasət, sənaye və sahibkarlıq komitəsinin bugünkü iclasında müzakirəyə çıxarılan qanun layihəsinə əsasən, bu nişan xüsusi dizayn və ölçülərə malik olacaq.
Nişan avtonom nəqliyyat vasitəsinin arxa hisssəsində, eni 200 mm, hündürlüyü 250 mm ölçüdə, ağ haşiyəli göy rəngli düzbucaq şəklində quraşdırılacaq. Üzərində simsiz ötürülmə dalğaları təsvir edilmiş avtomobil simvolu və ağ rənglə "AVTONOM NƏQLİYYAT VASİTƏSİ" sözləri yazılacaq.
Bu tədbir digər yol hərəkəti iştirakçılarını məlumatlandırmaq və təhlükəsizliyi artırmaq məqsədi daşıyır.
