"Necə olmalıdır?" rubrikasının yeni buraxılışında paytaxtın Azadlıq prospektində yol hərəkətinin təşkilində mövcud problemlər diqqətə çatdırılıb.
Bildirilib ki, prospektin Yusif Vəzir Çəmənzəminli küçəsi ilə kəsişməsindəki nişanlanma sürücülər üçün çaşdırıcı vəziyyət yaradır və bəzi hallarda qayda pozuntularına səbəb olur.
Belə ki, ikinci zolaqda hərəkət edən sürücülər üçün həm düzünə, həm də sağa hərəkəti göstərən üfüqi nişanlanma xətti mövcuddur. Lakin bu nişan sağda düz xətt olan kimi yalnız düzünə hərəkəti göstərir. Bu isə Yusif Vəzir Çəmənzəminli küçəsinə dönmək istəyən sürücülərin çaşmasına səbəb olur və onlar qayda pozuntusu riski ilə üzləşirlər.
