Azərbaycan Qarabağ və Zəngəzur ərazilərinin bərpası üzrə mühüm təcrübə ilə çıxış edir.
Oxu.Az xəbər verir ki, bu fikirləri Dövlət Şəhərsalma və Arxitektura Komitəsinin aparat rəhbərinin müavini Gülşən Rzayeva Ümumdünya Şəhərsalma Forumu (WUF13) çərçivəsində keçirilən konfransda deyib.
O bildirib ki, yenidənqurma geniş və sistemli şəkildə aparılır: "Azərbaycan post-böhran və post-münaqişə ölkələri üçün bir model hazırlayır. Bu yenidənqurma prosesi yalnız binaların bərpasını deyil, həm də şəhərlərin, cəmiyyətlərin və insanların həyatının yenidən qurulmasını əhatə edir."
