Azərbaycan ilk dəfə UNESCO-nun Dünya Biosfer Rezervləri Şəbəkəsinə daxil edilib. Bu tarixi qərar Paraqvayın Ernandarias şəhərində keçirilən UNESCO İnsan və Biosfer Proqramının Beynəlxalq Əlaqələndirmə Şurasının 38-ci sessiyasında qəbul olunub.
Azərbaycanın "Böyük Qafqaz Biosfer Rezervi" nominasiya faylı komitə üzvlərinin yekdil qərarı ilə təsdiqlənib. Bu, ölkəmizin Dünya Biosfer Rezervləri Şəbəkəsinə daxil edilən ilk ərazisidir.
Sessiyada Azərbaycan Ekologiya və Təbii Sərvətlər Nazirliyi və UNESCO yanında daimi nümayəndəliyi tərəfindən təmsil olunub. Dünyada ümumilikdə 142 ölkədə UNESCO-nun 784 biosfer qoruğu mövcuddur.
