İyunun 5-də gecə Azov dənizində dron hücumuna məruz qalan gəminin ekipaj üzvləri danışıblar.
Matros Rəşid Rəşidov AzTV-yə deyib: "İlk hücum bizi yuxudan oyatdı. Ekipaj idarəetmə hissəsinə getsə də, yeni hücumlar başladı".
Rəşidov həyatını itirənlərin meyitlərinin çıxarılmasında iştirak edib: "Dron səsini eşidib alt mərtəbələrə düşdük. İkinci və digər dron zərbələrinin səsi gəldi".
Mexanik Nicat Sarılı bildirib: "Gəmi ümumilikdə beş dəfə hücuma məruz qaldı. Həlak olan yoldaşlarımızın yerini təyin etdik, lakin çıxarmaq üçün havanın açılmasını gözlədik".
Qeyd edək ki, hadisə nəticəsində dörd azərbaycanlı həlak olub, dördü yaralanıb. Araşdırmalar davam edir.
