Azərbaycan Hava Yollarının (AZAL) J2-295 nömrəli Bakı-Naxçıvan reysi ildırımlı hava şəraitinə görə Bakıya geri dönüb. Təyyarə Heydər Əliyev Beynəlxalq Aeroportuna saat 21:09-da təhlükəsiz eniş edib.
Oxu.Az-ın məlumatına görə, bu barədə AZAL-ın mətbuat xidməti bildirib. Həmçinin J2-2257 nömrəli Bakı-Naxçıvan reysi də əlverişsiz hava şəraitinə görə təxirə salınıb. Sərnişinlərə əlavə məlumat veriləcək.
Qeyd edək ki, Naxçıvanda qeyri-sabit hava şəraiti son günlər uçuş cədvəlinə təsir göstərir. Dağlıq relyef və sürətlə dəyişən meteoroloji şərait uçuş təhlükəsizliyi üçün operativ qərarların qəbulunu tələb edir.
