Azərbaycan Dəmir Yolları Bakı-Tbilisi-Bakı marşrutu üzrə sərnişin daşımalarını bərpa edib.
Qatar Bakı Dəmiryol Vağzalından 25 may saat 23:10-da yola salınıb. Bu marşrutda İsveçrənin "Stadler Rail Group" şirkətinin istehsalı olan müasir yataq tipli vaqonlar istifadə olunur.
Sərnişinlərə komfort, komfort+ və lüks siniflər təklif edilir. Yeni qatarlarda yüksək komfort, müasir interyer və fərdi xidmət imkanları mövcuddur.
Qatar hər gün Bakıdan saat 23:10-da yola düşür, növbəti gün saat 08:41-də Tbilisiyə çatır. Tbilisidən saat 21:00-da geri dönür və Bakıya saat 06:24-də çatır. Sərhəd-gömrük yoxlamaları üçün 1 saat Azərbaycan, 1 saat Gürcüstan sərhəddində nəzərdə tutulub.
Dayanacaq məntəqələri: Bakı, Biləcəri, Yevlax, Gəncə, Ağstafa, Böyük Kəsik, Qardabani və Tbilisi.
