Azərbaycanda 10 iyun 2026-cı il tarixi üçün hava proqnozu açıqlanıb. Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək.
Bakıda gecə temperatur 17-19°C, gündüz isə 27-32°C olacaq. Külək səhər şimal-şərqdən əsəcək, gündüz isə cənub-şərqə dönəcək. Nisbi rütubət gecə 70-75%, gündüz 45-50% təşkil edəcək.
Azərbaycanın dağlıq və dağətəyi rayonlarında hava fasilələrlə yağıntılı olacaq. Bəzi yerlərdə yağıntı intensivləşəcək, şimşək çaxacaq və dolu düşəcəyi ehtimalı var. Gecə və səhər duman müşahidə olunacaq. Külək şərq istiqamətli olacaq.
Rayonlarda gecə temperatur 16-20°C, gündüz 28-33°C, dağlarda gecə 8-13°C, gündüz 15-20°C, bəzi yerlərdə 23-27°C olacaq.
