Bakıda tibb müəssisələrinə gələnlər üçün əlavə şərait yaradılır.
AYNA məlumatına görə, daha 7 ünvanda parklanma yerlərinin bir hissəsi ləğv edilib.
Əvəzində "5.14" (minik taksilərinin duracaq yeri) və "3.28" (durmaq qadağandır) nişanları quraşdırılaraq minib-düşmə yerləri təşkil edilib.
Yeni tənzimləmələr aparılan ünvanlar:
- Məzahir Rüstəmov küçəsi, 7 nömrəli şəhər poliklinikası
- Lermontov küçəsi, 22 nömrəli şəhər poliklinikası
- Abay Kunanbayev və Süleyman Sani Axundov küçələrinin kəsişməsi, 25 nömrəli şəhər poliklinikası
- Məmmədəli Şərifli küçəsi, 4 nömrəli Vərəm Əleyhinə Dispanser
- Əhməd Cavad küçəsi, Respublika Kliniki Uroloji Xəstəxanası
- Əcəmi Naxçıvani küçəsi, "Medera Hospital"
- Natiq Əhmədov küçəsi, "Məlhəm Beynəlxalq Hospitalı"
Ümumilikdə, bu günədək 20 tibb və sosial xidmət müəssisəsinin qarşısında minib-düşmə yerləri yaradılıb.
