Bakının mərkəzində yerləşən 12 mərtəbəli binanın damında qanunsuz tikinti aparıldığı iddia edilir. Sakinlərdən biri bu barədə şikayət edib.
Şikayətçi bildirir ki, 'Monolit MTK' dörd binanın çardaq və texniki sahəsini qanunsuz olaraq satıb və tikinti işlərinə başlayıb. Bu işlər beş aydan çoxdur davam edir.
İddialara görə, mənzillərə qanunsuz qaz, su, kanalizasiya və elektrik xətləri çəkilib. Şikayətçinin sözlərinə görə, üç binada tikinti dayandırılıb, birində isə hələ də davam edir.
MTK əməkdaşı tikintinin qanuni olduğunu bildirsə də, sənəd təqdim etməyib. FHN isə araşdırma apararaq qanunsuz tikinti ilə bağlı məktub ünvanlayıb.
