Bakının Nizami rayonunda dörd avtomobilin iştirakı ilə zəncirvari qəza baş verib.
Hadisə iyulun 2-də saat 19:50 radələrində Qara Qarayev prospektində qeydə alınıb. Qəza nəticəsində üç nəfər xəsarət alıb.
Təcili tibbi yardım briqadası hadisə yerinə cəlb olunub. Yaralılar - iki qadın və bir kişi müştərək travma diaqnozu ilə Sabunçu Tibb Mərkəzinə çatdırılıb.
Həkimlər tərəfindən zəruri tibbi xidmətlər göstərilib. Vəziyyəti qənaətbəxş olan iki nəfər ambulator müalicə üçün evə buraxılıb, bir nəfər isə yazılı imtina əsasında tibbi yardımdan imtina edib.
DYPİ-nin baş inspektoru Rüstəm Əhmədlinin sözlərinə görə, qəzaya dörd avtomobil - "Chevrolet", "Ford", "Hyundai" və "Changan" markalı nəqliyyat vasitələri səbəb olub. Faktla bağlı araşdırma aparılır.
