Bu gün Bakıda IV Milli Kibertəhlükəsizlik Forumu keçirilir. Tədbir AKTA və Dövlət Təhlükəsizliyi Xidmətinin tərəfdaşlığı ilə reallaşır.
Forumda dövlət qurumları, deputatlar, beynəlxalq təşkilatlar, xarici kibertəhlükəsizlik institutları, özəl sektor, ali məktəb rəhbərləri, ekspertlər və gənclər iştirak edir.
Gündəlikdə kibertəhlükəsizlik ekosistemi, beynəlxalq əməkdaşlıq, rəqəmsal transformasiya, süni intellektin təhlükəsizliyə təsiri və yerli innovativ həllər müzakirə olunur. Sərgidə müasir kibertəhlükəsizlik həlləri nümayiş etdirilir.












