İyunun 6-da Bakıda "Classics & Supercars" festivalı başlayıb.
İki gün davam edəcək festival Azərbaycan Avtomobil Federasiyası (AAF) və "Nazar Holdings"in birgə təşkilatçılığı ilə Dənizkənarı Milli Parkın ərazisində keçirilir.
Bakı bulvarında klassik, superkar və idman avtomobilləri nümayiş olunur.
Sərgidə AAF-ın kolleksiyası və qeydiyyatdan keçmiş sahiblərin avtomobilləri yer alır.
Klassik avtomobillər 1986-cı ilədək istehsal olunan nəqliyyat vasitələridir. Onlar avtomobil sənayesinin tarixini və inkişaf mərhələlərini əks etdirir.
Festivalda həmçinin güclü mühərrik və müasir texnologiyalarla seçilən idman avtomobilləri və superkarlar təqdim edilir.
Ziyarətçilər həm retro, həm də müasir avtomobillərlə bir məkanda tanış ola bilərlər.
Sərgi iyunun 6-da saat 11:00-dan 18:00-dək, iyunun 7-də isə 11:00-dan 16:00-dək açıq olacaq.
