Bakıda WUF13 çərçivəsində mayın 13-də saat 10:00-14:00 arası nəqliyyat monitorinqi keçiriləcək. Bir sıra küçə və prospektlərdə müvəqqəti tənzimləmələr tətbiq olunacaq.
Monitorinq Neftçilər prospekti, Yusif Səfərov küçəsi, Heydər Əliyev prospekti (Sabunçu körpüsünə qədər), Mehdi Hüseyn küçəsi, Xocalı prospekti, Rixard Zorge küçəsi, Zərifə Əliyeva küçəsi, Lermontov küçəsi və Bakı Olimpiya Stadionu istiqamətlərini əhatə edəcək.
Sürücülərdən səfərlərini əvvəlcədən planlaşdırmaları, sıxlığı nəzərə almaları və alternativ yollardan istifadə etmələri xahiş olunur. H1 ekspress avtobusu normal fəaliyyət göstərəcək, fərdi avtomobillər və taksilər hava limanına alternativ yollarla daxil ola bilər.
