Bakıda velosipedçi ilə avtomobilin toqquşması nəticəsində ağır qəza baş verib. Hadisə anı kameralara əks olunub.
Daxili İşlər Nazirliyinin Nəqliyyatı İntellektual İdarəetmə Mərkəzi velosiped və skuter sürücülərinə müraciət edib. Müraciətdə qeyd olunur ki, yaz-yay aylarında bu nəqliyyat vasitələrindən istifadə artır, lakin qaydalara əməl edilməməsi qəzalara səbəb olur.
Sürücülərə əks istiqamətdə hərəkət etməmək, işıqforun qadağanedici siqnalında dayanmaq, piyada keçidlərində isə düşərək yolu keçmək tövsiyə olunur. Həmçinin velosiped yolu olduqda, yolda hərəkət qadağandır.
Qaydalara riayət etmək hər kəsin təhlükəsizliyi üçün vacibdir.
